Nuummiut arnartaat pissartanngorniutivinnermi unammissapput
Assammik arsarlu nunatsinni pissartanngorniunnerni arnat pissartanngorniutivittussat kikkuussanersut inissippoq. GSS NÛK-lu pissartanngorniutivinnermi unammisussanngorput. Angutinittaaq timersoqatigiiffitt taakkorpiaat pissartanngorniutivinnermut anngunnissaminnut periarfissagissaarput.
Allattoq Peter Troelsen, Simon Uldum
apriilip 25-at 2013 07:45
Arnat pingasunngornermi unamminerini unamminerit pissanganarnersaat tassaavoq SAK-p Sisimiuneersup NÛK-llu Nuummeersup unamminerat. Unammineq allanngorartupilussaq NÛK-p ajugaaqqatarneranik naggaserneqarpoq, taamaasillunilu aamma pissartanngorniutivinnermut anngulluni.
Angutit unammisaqattaarnerat arnat unammisaqattaarnerinit pissanganarneruvoq. Tassanilumi SAK-p NÛK-llu unamminerat pissanganarnersaavoq, SAK-kkulli teknikkikkut kukkuluttorpallaarnerisa kingunersaanik NÛK 22 -19-imi ajugaaqqatuppoq. Holdit sisamat pissartanngorniutivinnermut anngunnissaminnut suli periarfissaqarput, tassalu GSS, NÛK, SAK aamma Nagdlúnguaq.
Sisimiut Timersortarfiani unamminerit ullumi ingerlaqqissapput, unamminerillu nal. 16.00 aallartissapput.
