Nuummiut arnani pissartanngorniuutissasut
NÛK SAK-mut, Sisimiuneersumut, ippassaq unamminermi ajugaavoq, SAK-lu tassa finalimut anngutinngitsoorluni.
Pissartanngorniuuttussat aappaat, GSS NÛK-tulli maannamut suli ajugaaffigineqanngilaq, isertitanilu angusarinnerpaalluni.
Unammisut angutertaanni kikkut sapaammi pissartanngorniuutissanersut suli aalajangerneqanngilaq.
Ilulissaneersut N48, maannamut angusarinnerpaallutik pissartanngorniutivinnissamut anguttussatut isikkoqarpoq, taakkulu Nuummeersut, GSS unammissarpasippaat.
Holdit taakku marluk pointinnannerpaapput, Aasianneersulli Norsaq HC angutini sapaatiuppat pissartanngorniuunnissamut suli angussinnaapput.
Angutini Inuujuk Ostermann-Søholm Norsaq HC-meersoq 26-raarluni maannamut isertitaqarnerpaavoq, arnanilu Aviaaja Kaajanngmaat Team Nuummeersoq Tippu G. Rafaelsenilu Norsac FC-meersoq tamarmik 28-raarsimallutik isertitaqarnerpaallutik.