Nuummioq niuertarfinni tunisaalissaaq
Kalaallit Nunaanni filmit takuneqarnerpaat ilaat - Nuummioq - dvd-ngorlugu maanna pissarsiarineqarsinnaalerpoq.
Allattoq Carla Davidsen
Filmi Pisiffimmi Pilersuisumi Brugsenimilu aggustip ulluisa aappaanniit pisiarineqarsinnaalissaaq.
- Dvd aallaqqaammut Kalaallit Nunaanniinnaq pisiarineqarsinnaassaaq. Nuummiup Danmarkimi filmertarfinni takutinneqartarnissaa siunertaralugu filminik siammarsaasartunik isumaqatigiinniaqateqarpugut, Otto Rosing aamma Torben Bech oqarput.
Filmi filmertarfinni takuteqqaartinnagu dvd-ngorlugu Danmarkimi tuniniarneqarsinnaanngilaq. Tamanna Brancheforeningen Danske Biografip aalajangersimagaa, filmimi ilitsersuisut marluk, Torben Bech aamma Otto Rosing, Atuagagdliutinut ullumi saqqummersunut oqarput.