"Nuummioq" Danmarkimi takutinneqalerpoq

Filmili ulloq taanna taamaallaat takutinneqassaaq. Oqartoqarsinnaanngilarli Danmarkimi takuteqqaarneqassasoq, filmertarfissuarmi Nicolai Biografimi Cafémilu pisortaq, Frode Lund Jensen, ilisimatitsivoq. Filmi DVD-mit takutinneqassaaq.
Aviisimili Jydske Vestkystenimi allaaserineqartut naapertorlugit, bilitsit pilerngunneqaqaat.
Nuummioq qallunaanik nassiussuisussanik/siammarterisussanik suli pissarsinngilaq, tamannalu pingaarnertut atuakkiortup, Torben Bechip, uggoraa. Aviisimit Berlingske Tidendemit qaammammi uani siusinnerusukkut apersorneqarluni oqarpoq, filmip qallunaanit suli takuneqarsinnaasimannginnera ingasappallaartoq.
Nuummioq takutinneqalerpat Torben Bech nammineq najuutissamaarpoq, filmi pillugu oqalugiassalluni.
Nuummioq tassaanerarneqarajuttarpoq Kalaallit Nunaanni filmit aliikkutassiat siullersaat. Taamaanngikkaluarpoq, kisianni filmiuvoq kalaalliniinnaq aningaasaliiffigineqartoq.
Koldingimi aaqqissuussinermi Rasmus Lyberth tusarnaartitsissaaq, atuakkiortorlu nersorneqartaqisoq Kurt L. Frederiksen Knud Rasmussen aamma Peter Freuchen pillugit oqalugiassalluni.