Nuummiit Iqalunnut angalaqqilersinnaanermut pilersaarut kinguartinneqarpoq
Air Greenlandip sinniisai Akilinermut Iqalunnut ullumi aallartussaagaluarput. Nuummiit Iqalunnut timmisartumik attaveqaqqilernissaq pillugu oqaloqatigiinnikkiartorlutik, tamannali timmisartumi saqisut suliumajunnaarnissaasa kingunerisaanik augustimut kinguartinneqartoq, Canadami nutaarsiassaqartitsivik CBC saqqummiussivoq.
Allattoq Oline I. Olsen
- Timmisartuni ilaasussaagaluit kiisalu saqisut pillugit isumaqatiginninniarnerit maannakkut ilungersunarput, tamatumalu kingunerisaanik sinniisuusugut aalajangerpugut maaniiginnarallassalluta pisunik aaqqiiniarsarissagatta, sinniisut oqaaseqartartuat Christian Keldsen CBC-mut oqarpoq.
Kinguartitsisoqaraluartoq Akilinermut timmisartukkut attaveqaateqaqqilernissaq sukataarunneqarumavoq.
Nuummiit Eqalunnut upernaamut timmisartortoqatalernissaa ilimagineqarsinnaavoq, taamaattorli Naalakkersuinikkut pisussaaffeqartoqartariaqartoq, Christian Keldsen oqarpoq.