Nuummi »Unnuarissat« aallartinnissaraluat kinguarpoq

Nuummi »Unnuarissat« aallartinniarnerat kinguartinneqarpoq, danskit ilitsersuisussat marluk pilersaarutit naapertorlugit tallimanngormat Nuummut tikinngitsoormata.
Allattoq Lotte Holm
februaarip 09-at 2009 08:36

Timmisartumi ilaasut 169-it nunarput qulaaniit isiginnaaginnartariaqarsimammassuk, sakkortuumik anoraasuartarnera pissutigalugu Air Greenlandip timmisartorsua Norsaq tallimanngormat Islandimut arfininngormallu Danmarkimut utertiinnartariaqarsimavoq.

Taamaattumik »Unnuarissat« pillugit soqutiginnittunut paasissutissiinertalimmik tallimanngormat ataatsimiinnissaagaluaq kinguartinneqarpoq

Ataatsimiinnissaq tulleq piaartumik periarfissarsiuunneqassaaq suliniuteqartoq Kristine Winberg Sermitsiaq.gl-imut ilisimatitsivoq.

»Natteravnene« unnuarissat nammineq kajumissutsiminnik suliniuteqartuupput

Meeqqat inuusuttullu illoqarfiup aqquserngini allanilu angalaartut ornittarlugit oqaloqatigisassavaat ajornartorsiortoqalissappallu Unnuarissat ikiuunnissaminnut piareersimassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq