Nuummi uuliaasivimmit uuliaarluerneqarpoq
Ippassaq ualikkut Nuummi uuliaasivik immerneqartillugu utsersortoornikkut dieselolia 250.000 literi maangaannaq kuisoorsimasoq, KNI-miit nalunaarutigineqarpoq.
Allattoq Louise M. Kleemann
novembarip 26-at 2008 14:04
Uuliaasivissuup ulikkaartoorneratigut ajutoorneq pisimasoq oqaatigineqarpoq. dieseloliap annersaa uuliaasiveqarfiup iluatungaani kuisoorsimasoq, apinerujussualu pissutigalugu salinneqarsinnaasimanngilaq.
Ajutoornermi inunnik ajoqusertoqarsimanngitsoq, KNI-p ataaniittup Polaroilip pisortaa, Peter Grønvold Samuelsen oqarpoq.
