Nuummi umiarsualivimmik assersuisut eqqartuussivilersuussinialerput
Nuummi umiarsualivimmik assersuisut pinerluttulerinermik inatsimmik unioqqutitsisimanertik pillugu akiligassinneqarnertik akuerinagu eqqartuussisulersuussinialerput.
juulip 13-at 2009 10:46
Aalisartut arfineq marluk politiiniit maannamut akiligassinneqarsimalersut, akiligassinneqarnertik tamarluinnarmik akuerinngilaat. Aalisartut akiligassaminnik akuersinnginnerat eqqartuussiviup aalajangertussanngorpaa. Akiligassiissutigineqartut maannamut arfineq marluugallartut ikinnerpaamik 1000 koruunialunnguaniit 15.000 koruunit angullugit annertussuseqartut nalunaarutigineqarpoq.Umiarsualivimmik assersuineq maannamut suli misissorneqarpoq, naatsorsuutigineqarlunilu suli amerlanerusut akiligassinneqassasut. Umiarsualivimmik assersuinermi aalisartut 30-t missaanniittut peqataapput.
