Nuummi ullumi saliinersuaqarpoq
Suliffeqarfiit peqataasut tassaapput CSR-imut ilaasortat, suliffeqarfiit inuiaqatigiinnut akisussaanerannik taaneqarluni kalaallisuunngortinneqarsinnaasoq. Tassani suliffeqarfiit sulisuminnut saliinermi nalaanni peqataatitsinerminni, akissarsiaqaatigalugu saliisitsipput.
Saligaatsoq 2011-mik isumassarsisuuvoq nipilersortartoq erinarsoqatigiinnillu KNR-ip Qupannavaanik aqutsisoq Mads Lumholt.
- Marlunnik neriuuteqarpunga, tassa aaqqissuussinerup ukiut tamaasa ingerlanneqartalernissaa aamma sumut taamaanga eqqaaginnartartunut sunniuteqarumaartoq, Mads Lumholt oqarpoq.
Saleeqataasut qutsaviginarlugit aaqqissuussineq Katuami nalunaaqutaq sisamaniit arfernup tungaanut kaffisornermik naggaserneqarpoq, ilaatigut KNR-ip erinarsoqatigiivi Qupannavaat aliikkusersuisuliullugit.
