Nuummi Ukkusissami angut qatserisartunit ikiorneqartoq

Angut inuusuttoq qaqqami Ukkusissami sivingasuumiittoq ikiorniarlugu Nuummi qatserisartut Ukkusissiartinneqarput.
Ukkusissap qaavanit Nuup tungaanut isikkivik, juulip 28-at 2018 Assi © : Per Roe
Allattoq Bikki P. Kleist, Karsten Sommer
aggustip 01-at 2019 08:40

Nuummi Ukkusissami annaassiarneq innuttaasunit amerlaqisunit pingasunngornermi alaatsinaanneqarpoq. 

Angutip Ukkusissami innartortilluni tassanngaannartumik ingerlariaqqissinnaajunnaarpoq utersinnaajunnaarlunilu.

Inuusuttup oqarasuaataa batteereqalaarallartillugu Nuummi qatserisartut sianerfigineqareersullu politiit pingasunngornermi unnukkut arfineq pingasut missaani attavigineqarput, politiini pigaartut pisortaat, Søren Bendtsen oqarpoq.

- Angutip sumiiffigisani nassuiarluarsinnaasimavaa, Nuummilu qatserisartut ikiuiartortut unnukkut qulinut qiteqquttoq anngullutik, Politiini pigaartoq oqarpoq.

Angut Ukkusissamiittoq akunneq ataaseq qaangiummat qaqqamit aqqartinneqarpoq - angullu qasusimavoq qiiallunilu, nissumigullu qilusoorsimalluni, taamaattoq inuttaa ajunngitsoq, Politiinit nalunaarutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq