Nuummi ukiormanna aamma Kissaatinut orpeqartitsisoqassaaq

Orpik marlunngornermi decembarip qulingani inissinneqarpoq, tapersersuerusukkuillu tunissutissaq Nuuk Centerimi Baby Samimut tunniutissavat.

-Nuummi suliffeqarfinnit ikiorneqarnerput nuannaarutigaarput - aammalu meeqqat pisariaqartitaasa pingaarnerpaajutinneqarnissaat tamanna isumaqatigiissutigaarput. Taamaammat aamma ilaqutariit meeqqalluunniit aqqat kissaatinut allattuiffummut allanneqassanngilaq. Meeqqallu kikkut tunissutissanik tigusisuussanersut ikitsuinnarnit ilisimaneqarpoq - namminmerlu kajumissutsiminnik sukliniartut arlaannaataluunniit meeqqat ilaqutariillu ilisarisimasarinngilaat, Kissaatit orpiannik pilersitseqataasut ilaat Lasse Nymann nassuiaavoq.

Siorna aamma kissaatinut orpeqartitsisoqarpoq Nuummilu innuttaasut tunissuteqarusuttut periarfissinneqarlutik, tunissutillu ilaqutariinnit Kissaatit orpiannit ikiorneqartunit nuannaarutigineqaqaat. Siunertaq pitsaalluinnarpoq meeqqamullu pissakitsuneersumut tunissuteqarneq, tunissuteqartumut pissarsisumullu nuannaarutaalluartarpoq.

- Kissaatit orpiat pillugu oqariartuutitsinnik ikiuukkusuttunut siaruarterinissatsinnut amerlasuut ikiuukkusunnissaat aamma neriuutigaarput. Kissaatit orpiat meeqqamut 100%-imik ajunngitsuliorneruvoq, inuttaaqataasutullu meeqqanut immikkut qiimmassartariaqartunut imaluunniit juullimi tunissutissamik tunisinnissamut   allanngueqataasoqarsinnaaneranut takussutissaalluni, Kissaatit orpiannik pilersitseqataasut ilaat, Nini Biilmann, isumaqarpoq.