Nuummi ujajaalluni saassussisoqartoq
Tallimanngorneq ullaakkut nal.06.15 angut ujajaaffigineqarluni Savimminilerinermik Ilinniarfiup silataani Ilivinnguaq 2-p eqqaani saassunneqarpoq. Saassussisut angut saassutileramikku seqersartumik kiinaanut isigisinnaannginniassammat seqersimavaat. Taamaalioreeramik angutip aningaasanik tigutsivia iluatsinngitsumik tiguniaraluarsimavaat saniatigullu aamma pinkodea piniaraluarsimallugu.
-Pinerluttut angut eqqunngitsuliorfigisaq tillussimavaat mobilialu tillissimallugu, taamaalioreeramik qimaasimapput, taama Nuuk Politiiniit Bjørn Bjerregaard ilisimatsivoq.
Ujajaareeramik sukkoorlutik qimaasimanersut Nuummi Politiit nalugallarpaat. Nuummi Politiit ujajaalluni saassussinermik takunnissimasinnaasunik ikioqqupput, arlaannilluunniit ujajaaneq pillugu paasissutissanik peqaruit taava Nuummi Politiinut saaffiginninnissat politiiniit kissaatigineqarpoq. Nuummi Politiit oqarasuaat 32 14 48-imut sianerluni saaffigineqarsinnaapput.