Nuummi politiit angut 42-nik ukiulik arnamik toqutseriarsimasoq ippassaq tigusaraat.
Angutip 42-nik ukiullip arnaq 44-nik ukiulik sakiaatigut savimmik ippassaq kapisimavaa. Taakku siusinnerusukkulli imminnut ilisarisimasariissimapput
Arnaq inuunerminik navianartorsiungaatsiartoq ippassaq napparsimavimmut ingerlanneqarasuarpoq,
Politiillu oqaatigaat, arnaq puammigut eqqorneqarsimagaluarluni maanna inuunerminik navianartorsiunngitsoq.
Angut 42-nik ukiulik eqqartuussivimmi ullumi sassartinneqarpoq – sapaatillu akunnerini sisamani tigummigallagassanngortinneqarluni.
Taassuma savimmik kapisisimanini nassuerutigisimavaa, sunali pillugu savimmik kapisisimanera suli ilisimaneqanngikkallarpoq.