Nuummi toqungasumik siumuisoqarnera politiinit misissuiffigineqarpoq
Inummik toqungasumik siumortoqarsimasoq politiinut sisamanngornerup ullaavani nalunaaqutaq arfineq-pingasut qaangerlugu tanneq ataaseq kalerriutigineqarpoq. Neriniartarfiup Nuummiittup Nasiffiup eqqaani umiatsiaaqqat inissisimavigisartagaani inuk toqungasoq siumorneqarsimavoq.
Politiit suliaq misissuiffigigamikku iluamik oqaaseqarfigisinnaanngikkallarnerarpaat, toqungasumilli siumuisoqarsimasoq uppernarsarlugu:
- Inummik toqugasumik siumuisoqarsimanera ilumoorpoq. Susoqarsimanersoq maanna misissuiffigaarput, piffissamilu matumani allanik paasissutissiisinnaanngikkallarpunga. politiini pingaartut pisortaat Jan Geisler oqarpoq.