Nuummi timersortartut ippassaq ulluanni timersortartunut ukiut 22-ssaat akissarsisitsisoqarlunilu diplominnastsitsisoqarpoq.
Nunatsinni, Danmarkimi, nunani avannarlerni nunarsuarlu tamakkerlugu pissartanngorsimasunut diplomit 250-nit ikinnerunngitsut agguaanneqarput.
Ukioq manna timersullammattut toqqagaavoq 17-inik ukiulik Knud Henrik Larsen, sisoraatinik arpattartoq Nuummi ujakkaartartut peqatigiiffianni NUP-meersoq.
Sungiusaallammattut toqqagaavoq Helga Tøttrup Nuummi naluttartut klubbiani sungiusaasoq.
Aqutsisuullammattut toqqagaavoq Petrine Nielsen GSS-imi meeqqanut assammik arsarnermut sungiusaasoq, taavalu ukiup holdillammaatut toqqagaapput GSS-ip Volleyboldtertartui arnat inuusuttut angajulliit.
Kajumisssaasiisoqarportaaq tassani Nuummi ujakkaartartut peqatigiiffiat NUP nersornaaserneqarluni.
Nersornaaserneqartut tamarmik 3000 kronenik kiisalu pokalinik tunineqarput.