Nuummi Tele-mi tillinniartoqarsimavoq

Nuummi Tele-mi pingasunngormat ualikkut matoreernerup kingorna tillinniartoqarpoq. Tiillinneqarput fjernsynit fladskærmit oqarasuaatillu angallattakkat. Nuummi politiit taama ilisimatitsipput.
februaarip 27-at 2010 14:03

Fjernsynit sisamat LCD-mik ilisarnaatillit LG 42 tommit LH400, oqarsuaatillu angallattakkat Nokiat, N900 20-t, aamma Sony Ericsson C901-it sisamat tillinneqarput.

- Pinerluttumik pasisaqarpugut, tillitat ilaat aamma nassaarereerpavut, Nuummi politeeqarfimmi pigaartoq, Johan Vesten ilisimatitsivoq.

Nuummi innuttaasut tillitanik taariikkatsinnik tuniniaavigineqaraluarunik, imaluunniit tillinniarsimasunik ilisimasaqarunik, politeeqarfimmut saaffiginneqquneqarput. Nuummi politiit oqarasuaataat tassaavoq 32 14 48 - 32 14 48.