Assi: Foto: Helene Johansen Zinck

GEUS: Nuummi takuneqartoq allaanngivippoq ullorissap anaa

Nuummi unnukkut qilak allaaqqisseruttortoq qalipaatit aappaluttut qaqortullu qilammi saqqummeralersut juunip naalernerani assilineqarput. Asseq facebookikkut oqallisigineqalerpoq. - Allaanngivippoq ullorissap anaa, ujarassiornikkut misissuisarfimmi GEUS-imi ilisimatooq oqarpoq.

Helene Johansen Zinckip pania juunip 30-ani aqqaneq marlunnik ukioqalerpoq. 

Naak unnulereeraluartoq juunip 30-ani nalunaaqutaq 21.18 Nuummi qilak suli allaaqqeqaluni qalipaatigissisimavoq. 
Taamaaleruttornerani, Helene Johansen Zinckip isigisani kusagilerlugu assiliivimminik assilivaa. Ullorissalli anarigunagaa assilisamini kinguninngua maluginialerpaa. 

- Biilertilluta panimma aataava toqukkut qimagutereersimasoq maqaasillugu eqqartorparput, nuissallu avataativut nakkariartortoq takugatsigu oqarpugut panimma aataava inuulluaqqusilluni taama nalunaaruteqartoq, Helene Johansen oqarpoq.

Taamaariarmat assilisani attaveqaqatigiittarfikkut Facebookikkut Instagramikkullu saqqummiuppaa. Inuit oqallisilerput, ilaasalu oqaatigaat qanngorpallammik tusaasimallutik.

Ullorissap anaa 
Danmarkimi Nunatsinnilu ujarassiornikkut misissuisarfimmi GEUS-imi ilisimatooq Trine Dahl-Jensen oqarpoq, takuneqartoq ullorissap anarigunavikkaa:

- Asserli taanna kisiat tunngavigaarput. Kisianni inuit ilaasa qanngorpallammik tusarsimallutik oqaluttuaraat, taamaammat ullorissap anarissagaa ilimanarsinnaavoq, Trine Dahl Jensen oqarpoq. 

Uuttortaanermit takussutissaqanngitsoq

Nunap sajuttarneranut uuttuutip Nuummiittup arlaatigut nikeriarsimasinnaanera misissorsimavaa, taamaattoqarsimanngilarli. Ullorissammi anaanik silaannakkoortoqartillugu uuttuut malussarsimasarpoq. Soorlu ullorissap anaa januaarimi Nuup ungasinngisaatigoorluni silaannakkoormat nikeriarsimasoq. Uuttuulli tamatumuuna malussarsimanngilaq.

Ullorissap anaanik takusaqarsimasoriguit ildkugle.dk -mut nalunaarutigineqassasoq, Trine Dahl Jensenip kaammattuutigaa. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat