Nuummi sumiiffinni arlalinni pingasunngornermi unnukut sivikitsumik qamittoortoqarsinnaasoq

Illoqarfiit pingaarnersaani sumiiffinni amerlanerpaani innaallagiamut attaveqarneq pingasunngornermi ualikkut aalaakkaanerulerpoq.

Inuilli ilaat unnummut qamittoorsinnaapput. Tamannali sivikitsuinnaassaaq.

Nukissiorfiit sullitami atuineranik sarfalersuinerminni nikititeralutik ”allanngortiteriniarlutik” Facebookikkut paasissutissiissutigaat.

Allanngortitserineq inuiaqatigiinni pingaarutilimmik inissisimasunut, soorlu peqqinnissaqarfimmut, aalaakkaanerusumik sarfalersuinissamik siunertaqarpoq.

Tamanna illoqarfiup ilaani sarfaarutitallaarnermik kinguneqassaaq.

AAMMA ATUARUK Nuummi sarfaarunneq: Kommuni ima upalungaarsimavoq

Sarfaarunneq minutsit 30-t 60-illu akornanni sivisussuseqarsinnaavoq,  Allanngortiterinerup pingasunngornermi unnukkut arfineq-pingasunut naammassineqarsimanissaa Nukissiorfiit naatsorsuutigaat.

- Tamatuma kingorna sarfalersorneqarneq aalaakkaaneruleqqissaaq, Nukissiorfiit Facebookimi quppernerminni allapput.

Illoqarfiup ilaani suani sarfaaruttoqassanersoq paasissutissiissutigineqanngilaq.

Sarfalersuineq maanna ippassarmiit aalaakkaaneruvoq. Innaallagiamillu erngup nukinganik nukissiorfimmit dieselimillu ingerlasumit pilersisorneqarpoq.

- Nuuk tamangajammi innaallagiaqartoq, Kalaallit Nunaanni Politiit upalungaarsimanermi nalunaarummi allappaat.

Oqarasuaatit angallattakkat internettimullu attaviit qamillattaanissaat innuttaasut qanitallannerat malugisinnaassagaat, inuiaqatigiinnulli pingaaruteqartunut sarfalersuineq qulakkeerniarlugu generatorinik pissarsisimallutik Tusassip paasissutissiissutigaa.