Nuummi sullivimmi ajunaartoqartoq: Angut 60-nik ukiulik sullivimmini nakkarnermi kingorna toquvoq

Sullivimmi nakkarluni ajunaarnermut atatillugu politiit maana misissuipput. Ajunaarneq pivoq tallimanngornermi ualikkut.
Angut sanaartorfimmi 4 meterit missaanni qutsitsigisumit nakkarnermi kingorna tallimanngornermi ualikkut toquvoq. Assi © : Pressefoto/Rigspolitiet
Allattoq Jaaku Lyberth
apriilip 23-at 2022 12:34

Angut 60-nik ukiulik Nuummi Nuukullammi sanaartorfimmi sulitilluni ippassaq ajunaarpoq.

Ajutoorneq politiinut nalunaarutigineqarpoq, tallimanngornermi ualikkut pingasut qeqqata missaanni

Taama KNR-imut oqaluttuarpoq politiini pigaartoq, Julie Senderovitz.

Angut Nuummi pinerlisimasunut passussivimmut apuunneqarnerata kingorna toqusimasutut nalunaarutigineqarpoq. Qanigisaasut kalerrinneqarsimasut, politiit ilisimatitsissutigaat.

Angut sanasut sulliviannit ikaajusanit 4 meterisut portutigisumit nakkarpoq. Ajutoornerup kingorna angutip ajunaartup suleqatai, upalungaarsimasuutitanik ikiuisussanik pilersitsisoqarpoq.

Ajutoortoqarneranut atatillugu Sullivinnik Nakkutilliisoqarfik politiillu manna misissuipput, sulinermi isumannaallisaanermut maleruaqqusat malinneqasimanersut.

Angut sulitilluni ajunaartoq sumi atorfeqarnersoq aamma suminnganeersuunersoq politiinit maanna paasissutissiissutigineqarsinnaanngitsoq, politiini pigaartoq Julie Senderovitz oqarpoq

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq