Nuummi sulisartut ulluat
Nunarsuaq tamakkerlugu sulisartut ullorisaanni, Nuummi silagissuup ataani sulisartut ullorsiorput, ullaaq NSIP-p illuutaanni ullaakkorsioqatigiinnermik aallartittumik.
Ataatsinut SIK-p allaffeqarfianiit ingerlaaqatiginneq aallartippoq Namminersornerullutik Oqartussat tungaanut ingerlaaqatigiillutik. Ingerlaaqatigiinnermi inuit 200-t missaat peqataapput ilaat aappalaartunik erfalasulisaartut, ilaallu naasunik rosanik tigummiartut. Tassani SIK-p siulittaasuat Jess G. Berthelsen oqalugiartuni aallartittuuvoq.
Kattuffiullu siulittaasuata oqalugiarnermini pingaarnersatut oqariartuutigaa, inatsisartut ukioq naallugu sulisalernissaat, massakkutut suliffimmi saniatigut nunarput sullinnagu. Aamma oqalugiaammini ilannguppaa Namminersornerullutik Oqartussat namminersortunngorsaanera nunatsinnut iluaqutaanani ajoqutaaginnartoq.
