Nuummi aputinit eqqumiitsuliornissamut ukioq-manna peqataaniaraanni nalunaarfissaq ullumikkuuvoq.
Apummit eqqumiitsuliorneq aqqanilissaa ingerlanneqassaaq marsip 18-niit 21-anut.
Maannamut 21-t nalunaarsimasut, Flemming Nicolaisen, Nuummi takornariaqartitsivimmi siulittaasuusoq oqarpoq.
Nunanit allanit ataasiinnaq peqataaniarluni nalunaarsimavoq, tassalu Danmarkimit.
Apummit eqqumiitsuliortut siorna 40-t peqataaniarlutik nalunaarsimapput, aputissaaleqisoqarmalli taamaatiinnarneqarpoq.
Flemming Nicolaisen aamma oqarpoq ukioq-manna kinguartitsiniaratik, marsilli 18-niani naammattumik aputissaqanngippat kinguartitsilaaginnassallutik.