Nuummi skakkertartut peqatigiiffiliulerput
Unnuk Kulturisiorfimmi soqutiginnittut skakkernermik misiliisinnaapput unammisaqarlutilluunniit.
- Katuaq skakkerutinik peqareerpoq, aamma Sømandshjemmet-minngaanniit atussaagut, taamaammat kikkulluunniit soqutiginnittut skakkernermik misiliisinnaapput, oqarpoq.
Hans Peter Josefsenip qularinngilaa Nuummi skakkertartorpaassuullutik, kisianni Sømandshjemmet-mi sapaatini ualikkut naapikkaangamik sisamat tallimalluunniit taamaallaat skakkerlutik unammeqattaartarput.
- Akeqanngitsumik skakkerfissamik inissaqannginnatta Sømandshjemmemiittarpugut. Kisianni peqatigiiffik pilersinneqariarpat annerusumik atugassarsiussaagut, Hans Peter Josefsen oqarpoq.
Skakkertartut peqatigiiffiat pilersinneqariarpat meeqqat allallu skakkernermik ilinniarusuttut ilinniartinneqartalernissaat aamma suliniutiginiarneqarpoq.
- Aamma illoqarfimmi skakkillaqqinneqqusaatsitsissaagut. Unnuk Kulturisiorfimmi Katuami kingornalu aamma Nunatta Atuagaateqarfiani pissartanngorniuteqataarusuttut allatsissinnaassapput, Hans Peter Josefsen oqarpoq.
