Nuummi siorarterutissat nungupput
Kommuneqarfik Sermersooq taama ilisimatitsivoq. Nuummi aqquserngit quasassinnaanerat pissutigalugu aqqusinnikkooraangavit mianersornerunissat pisariaqarpoq. Kommuneqarfik Sermersooq taama mianersoqqusivoq.
Maannamut ukiup issaasannera pissutigalugu kommunip ujaraatai sequtsikkat siorarterutit tamangajammik atorneqarsimapput. Betoncentralimiit nalunaarutigineqarpoq ujaqqat nutaat ukiumi nutaami sapaatip akunnerani siullermi pissarsiarineqarsinnaassasut.
Ujaqqat sequtsikkat siorarterutit sinneruttut aqqusinerni angallaffiunerusuni, soorlu kaajallattarissani sivinganernilu atorneqarumaarput. Sumiiffinni allani soorlu pisuinnaat aqqutaanni sioqqat siorarterinermut atorneqassapput.