- Pisoq ajutoortoqarsimaneranik misissugassanngortipparput, misissuinerulli takutikkumaarpaa susoqarsimanersoq, pigaartut pisortaat KNR-imut oqarpoq.Assi: Pressefoto/Rigspolitiet

Nuummi sanaartorfimmiit nakkarluni ajunaartoqaqqittoq

Nuummi sanaartorfiit ilaanni sulisoq sanaartorfimmiit nakkarluni ullaap tungaani ajunaarpoq. Piffissap sivikitsuinnaap ingerlanerani sanaartorfimmiit nakkarluni ajunaarneq aappassaani nalaanneqarpoq.

Nuummi sanaartorfiit ilaanni sulisoq stilladsiniit nakkarluni ajunaartoq

Kalaallit Nunaanni Politiit pigaartuisa pisortaat, Sermitsiaq.AG-p nittartagaanut taama uppernarsaavoq.

Sanaartorfimmiit nakkartoq Dronning Indridip napparsimmavissuanut apuunneqarnermini toqusoq nalunaarutigineqartoq, politiit ilisimatitsipput.

- Ajoqusersimasunut nakorsiartarfimmiit nalunaaqutaq 10:10, nalunaarfigineqarpugut inummik ajunaartoqarsimasoq. Suliaq misissuiffigineqarmat ajunaarneq sumi pisimanersoq, sumilu suliffeqarnersoq oqaatigisinnaanngilara, pigaartut pisortaat, Bent Johnsen KNR-imut oqarpoq.

Sullivinnik Nakkutilliisoqarfiup politiillu ajutoortoqarnerani sulinermi malittarisassat malinneqarsimanersut misissuleruttorpaat.

- Pisoq ajutoortoqarsimaneranik misissugassanngortipparput, misissuinerulli takutikkumaarpaa susoqarsimanersoq.

Angut 60-inik ukiulik Nuummi Nuukullammi sanaartorfimmi sulitilluni , aamma qaammatit ikitsunnguit matuma siorna ajunaarpoq.

Pisumut tunngatillugu suli pasitsaassaqartoqanngilaq, tigusarinnittoqaranilu.

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl