Nuummi rådhusi tillinniarfigineqarsimavoq

– Imaaliinnarlugu takusinnaasarput tassaavoq, inimi allami allaffiit tamarmik tulleriiaanneqarsimasut, amusartoqarfiit immikkoortut ataatsit ammarneqarsimasut, PC-lu angallattagaq (tassa qarasaasiaq angallattagaq) allallu tillinneqarsimallutik, Nuup Kommuneani aningaasaqarnermut ingerlatsivimmi pisortaq Morten Kahlke kommunimi sulisunut allassimavoq.

Tillinniat pappiaqqat Nuummi innuttaasunut tunngasut mianernartut tillissimanagillu attorsimanngilaat.

– Imatut tukassaasoqarsimanngilaq. Amusartut ilaat taamatullu allat amuneqartarsimapput. Allat, pc ataaseq, Ipod-i ataaseq (tassa qarasaasiap atortua) decoderilu ataaseq tillinneqarsimapput, Morten Kahlke Sermitsiaq.gl-imut oqarpoq.

Nuup kommuneata rådhusiani sillimaniarnerup annertusineqarnissaa pillugu suli iluamik paasinarsinngilaq.

– Sillimanissamut atortut misissortuaannavippagut, unnuakkullu inini aalasoqarsinnaaneranut malussarissunik kalerrisaaruteqarluta. Tamanna isumannaallisaatitut pitsaasutut isigaarput, kisianni suut pitsanngortinneqarsinnaanersut misissorneqartarput. Maanna susoqarsimanera, qanorlu ililluni taamaaliortoqarsinnaasimanersoq misissoqqaassavarput, tassanngaaniit ingerlariaqqikkumaarpugut, taamak Nuup Kommuneani aningaasaqarnermut ingerlatsivimmi pisortaq Morten Kahlke Sermitsiaq.gl-imut oqarpoq.