Royal Run Nuummi Royal Run peqataalluarfigineqarpoq

Inuit 70.000-init amerlanerusut kunngissaq Frederik ilaqutaalu Danmarkimi ullumi arpaqatigaat, kunngissap arfininngorpat 50-iliinissaa nalliussiniarlugu arpaqatigiittoqarami.
Fotos/Ass. Anton Gundersen Lihn
Allattoq Mads Lynge
maajip 21-at 2018 14:44

Kunngissaq Aalborgimi, Aarhusimi, Esbjergimi, Odensemi Københavnimilu Royal Runimik taallugu Danmarkimi illoqarfinni annerni tallimani arpaqataavoq.

Inuit 9000-it missaat Aalborgimi arpaqataapput, DR-illu kunngissaq tassani oqaloqatigillatsiarpaa:

- Qangali sinnattorisimasara piviusunngorpoq. Inuillu 70.000-it peqataammata nuannaarutigingaarpara, kunngissaq DR-imut oqarpoq.

Royal Run Nuummi aamma malunnartinniarneqarpoq, arpatsitsineq ualeq manna nalunaaqutaq marlunut aallartilluni.

Borgmesteri Asii Chemnitz Narupip ilaqutariit arpatsinneqarnerat Rådhusip silataani aallartippai, inuppassuillu arpaqataaniarlutik ornigussimapput.

Aqqut arpaffissaq 3 kilometerinik isortartutigaaq, meeqqat inersimasullu peqataallutik.

Kunngissap Frederiup 50-iliinissaata nalliussineqarnera nalunaaqutaq pingasut kingorna nanginneqassaaq, nipilersortoqarlunilu aliikkusersuisoqassallunilu.

Paarnat, kaffi, tii, imerlu peqataasunut aamma sassaalliutigineqarput.

 

 

Aamma atuaruk