Nuummi Radiop qaqqaani ujajaaneq

Nuummi politiit ullaaq nal. arfineq pingasut sioqqutilaaraa ujajaasoqarsimaneranik nalunaarfigineqarput. Angut 68-inik ukiulik angutinit kinaassusersineqanngitsunit marlunnit saassunneqarpoq soriarsinnaajunnaarsinneqarlunilu. Ujajaaneq Radiop qaqqaani Blok 17-imi opgang G-mi pivoq.
Allattoq Peter Troelsen, Simon Uldum
januaarip 31-at 2013 13:55

Ujajaaffigineqartoq Radiop qaqqaani Kamik Centermarkedimi aningaasanik tigusisarfimmi aningaasanik nal. 07.15 tigusisinnarluni Blok 17-imut toqqaannarluni ingerlasimavoq tassanilu angutinit marlunnit saassunneqarluni.

Ujajaasut angutip aningaasivia kr. 2.400-nik imaqartoq tillippaat. Ujajaasut qanoq isikkoqarnerinut paasissutissat ajoraluartumik ikitsuinnaapput, tamarmilli kalaaliorpasipput 175-180 cm-it miss. angitigalutik taartunillu kajaavaqarlutik.  

Politiit tassunga atatillugu Radiop qaqqaani blok 17-ip nalaani pasinarsinnaasunik ullaaq takunnissimasinnaasunik imaluunniit ujajaasoqarneranik takunnissimasunik paasissutissanillu tunniussaqarsinnaasunik ujaasipput.

Nuummi politiit oqarasuaatikkut 321448-imut sianerluni saaffigineqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq