Nuummi Radiop qaqqaani ikuallattoqartoq
Atortorissaarutit innaallagiatortut Nuummi pujuliungaatsiartitsipput.
Allattoq Christine Hyldal
septembarip 19-at 2022 15:31
Nuummi Radio qaqqaani maanna ikuallattoqarpoq.
KNR-ip paasissutissarsiarisai naapertorlugit Nukissiorfiit illuutaanni atortorissaarutit innaallagiatortut pujuliungaatsiarput.
Qatserisartut sumiiffimmukartinneqarput.
Politiit oqarasuaataat maanna attaveqanngillat - pinartumilli attaveqartoqassaguni politiit oqarasuaammut 560112-imut attavigineqarsinnaapput.
Qatserisartut Nukissiorfiit Nuummi Radiop qaqqaani illuutaanni suliaqarput. Assi: KNR
