Nuummi qinikkat suli ataatsimiipput

Nuummi kommunalbestyrelset qinigaarlaat suli isumaqatigiinniarput. Maanna borgmesteriusoq Agnethe Davidsen, siumumeersoq partiit allat ualiartoq suli ataatsimeeqatigai, sulilu unnugu isumaqatigiinniaqqaarallassasut Agnethe Davidsen oqarpoq.

Nuummi siumut kommunalbestyrelsemi ilaasortani 17-niusuni arfineq-marlunnik qinigaatitaqarput.

Demokraatillu arfinilinnik qinigaatitaqartoq apeqqutaalerpoq suleqatigineqassanersoq imaluunniit illuatungiliuttutut inissisimalissanersoq.

Demokraatit siulittaasuat Per Berthelsen unnuaq oqarpoq Nuummi partiit anginerit marluk suleqatigiittariaqartut.

Demokraatit Siumukkormiullu tassuugu arfineq-marlunut ataatsimeeqatigiissapput. Kingusinnerusukkullu Demokraatit IA-kullu ataatsimeeqatigiissasut, Per Berthelsen ilisimatitsivoq.

Per Berthelsen aamma oqarpoq Siumukkormiunut IA-kormiunullu ammasumik oqaloqatiginnikkusulluni.

Inuit ataqatigiit Nuummi kommunalbestyrelsemut ilaasortamik ataatsimik annaasaqarput, maanna pingasunik ilaasortaatitaqalerput.