Nuummi qilalukkamik qaqortamik pisaqartoqarpoq
Nuummiit kujammut qilalukkanik qaqortanik sisamanik ukiormanna pisassaqarpoq. Kitaani tamarmi qilalukkat qaqortat katillugit 310-t ukioq manna pisarineqarsinnaapput.
Piniartutut allagartallik kisimik qilalugarniarsinnaatitaapput.
Piniartutullu allagartallit ullaaq manna Nuup avatinnguani qilalukkamik qaqortamik pisaqarput.
Qilalugaq arnaviaavoq 3,37 meteriulluni.
Qanga Nuup eqqaa qilalugalissuusimavoq, pingaartumik Nuup Akianiittumi Qaqummi qilalukkat qaqortat qernertallu pisarineqarsinnaasarsimallutik.
1923-mi kingullermik arlariiaanik pisaqartoqarpoq.
Videoliaq nutaarsiassap naqqani takuneqarsinnaavoq. Assiliisoq: Jakob Geisler.