Nuummi Qatserisartut nutaamik normoqalerput
Nuummi ikuallattoqartillugu kalerriiffissaq aqagu juulip aallaqqaataanit atuutilersumik allanngussaaq.
![](/sites/default/files/styles/image_934x467/public/article_images/brandvaesenet_i_nuuk_100909.jpg?itok=zmTPGyZd)
Allattoq Jens Thorin
Tassalu Nuummi ikuallattoqalissagaluarpat sianerfissaq tassalissaaq normu 113.
Maannamut ikuallattoqartillugu Nuummi politiit sianerfigineqartaraluarput, tamannali maanna atorunnaartoq, ikuallattumillu kalerriinerit Kommuneqarfik Sermersuup Nuummi Qatserisartoqarfiani sillimasuusumit tiguneqartalissasut, upaalungaarsimanermi pisortaq Knud Petersen nalunaarpoq.
Taassuma neriuutigaa, ikuallattumik kalerriisoqartillugu iliuuseqarnissaq sukkanerulissasoq.