Nuummi Qaqortumi najugaqartut pissanganartorsiortitaapput
novembarip 19-at 2005 13:15
Nuummi illoqarfiup immikkoortortaani Qaqortumi najugaqartut unnuaq piumassuserinngisaminnik pissanganartorsiortitaapput, angutip 49 - inik ukiullip inuit allat inuunerannik siorasaarmagit politiinik aggersaasoqartariaqarsimalluni.
Unnuap qeqqariitsiartoq politiit arlaqaqisut Qaqortumut aqquserngit assersortariaqarsimavaat, angullu illumiit aninissaanik kujumissaarneqarsimagaluarpoq.
Angut aninngimmat politiit allatut ajornartumik illumut gassimik igeriusisariaqarsimapput, aatsaallu taamaliortoqareermat angut illumit anillaasimavoq ullaaq nalunaaqutaq arfinngoriartortoq, Nuummi politiini pigaartuusoq, Per Langborg nalunaarpoq.
Peter Langborg oqarpoq unnuaq pisoq suli paasiniaavigineqartoq.
