Nuummi qamuteralak biilinut aportoq
Qamuteralak biillinut apormat qamuteralammik aquttoq ajoquserpoq, inuunerminillu ulorianartorsiunngitsoq, Nuummi politiini pigaartoq KNR-imut taama ilisimatitsivoq.
Qamuteralak biilinut aporpoq mittarfiup timmut isuata ataani, snecooterit aqqutaannut ikaarniartillugu.
AAMMA ATUARUK Qamuteralannik ajutoornerup kingorna angut unnerluutigineqartoq
Qamuteralalluni ajutoornerit sisamassaat ukiormanna pivoq.
Uummannap eqqaani februaarimi qamuteralalluni aporsisoqarmat inuit marluk ajoquserput.
AAMMA ATUARUK Angut inuusuttoq qamuteralannik ajutoorluni ajunaartoq
Danskeq ilinniarnertuunngorniaq 18-nik ukiulik Sisimiuni qamuteralatsilluni ajutoormini toquvoq, aamma jannuarip qaammataani angut 27-nik ukiulik qamuteralatsilluni Nuup kujasinnerusortaani Kangerluarsunnguami aputip sisoorneqaratigut matoorussaalluni ajunaarpoq.
AAMMA ATUARUK Aputip sisoorsinnaanera mianersoqqussutigineqartoq