Nuummi Politiit takunnissimasinnaasunik ujaasisut
Nuummi politiit niviarsiaqqap 15-inik ukiullip angutinit marlunnit biilinut pinngitsaalillugu ikineqarnerani takunnissimasussarsiorput.
Allattoq Karsten Sommer
Nuummi H.J Rinksvej-imi blok 9-p 10-llu akornanni biilit unittarfianni angutit marluk niviarsiaraq 15-inik ukiulik pinngitsaalillugu biilinut qasersunut ikitissimagaat, Nuummi vagtcentralimut ippassaq unnukkut nalunaaqutaq aqqanermut tanneq qulinnguliivissoq nalunaarutiginnittoqarpoq.
Politiit napertorlugit biili Mitsubishiugunartoq qasersuusimavoq.
Niviarsiaraq nammineerluni aniguisimavoq, maannamulli paasineqanngilaq sooq pinngitsaalillugu ikiteriarneqarsimasoq.
Politiit pisumut tunngatillugu ilisimannittussarsiorput. Takunnissimasinnaasullu oqarasuaammut 70 14 48-mut attaveqaqquneqarput.