Nuummi politiit saassussisoqarneranik ilisimannissinnaasunik ujaasisut
Inuk ataaseq Brugsenip silataani Aqqusinersuarmi ippassaq ullaassakkut nalunaaqutaq sisamut qiteqqunnerata tallimanullu qiteqqunnerata akornanni ajanneqarluni uppisinneqarpoq, kiinnamigut ajoquserneranik tamanna kinguneqarluni.
Saassussisoqarneranik takunnissimasinnaasut ilisimannittulluunniit Nuummi politiinut saaffiginneqquneqarput. Nuummi politiit normoraat 70 14 48, emailiannulluunniit aamma saaffiginnittoqarsinnaavoq, tassa nuuk@politi.gl-imut saaffiginnittoqarsinnaagami.
Nuummi politiit qaammatip naanerani akissarsisoqarnerata kingunerisaanik ulappussimallutik nalunaarutigaat. Angerlarsimaffinni eqqissiviilliornernut, aalakoortunut aqqusinernilu eqqissiviilliortunut orniguttariaqartarsimallutik. Nuummi politiit taama nalunaaruteqarput.