Nuummi politiit saassussinermut takunnissimasussarsiorput

Arfininngornermi unnuakkut saassussineq pivoq, takunnissimasinnaasunik maanna politiit ujartuipput.
Politiit Nuummi saassussisoqarneranit misissuipput. Assi © : KNR / Malik Brøns
Allattoq Dora Evaldsen
januaarip 25-at 2025 17:19

Arfininngornermi unnuakkut Nuummi saassussisoqarpoq. 

Politiit taama ilisimatitsipput. 

Politiit unnuaq nalunaaqutaq 02.32 saassussisoqarneranit illoqarfimmi kigutileriffiup Tuapannguillu akornanni pisumit nalunaarfigineqarput.

- Angut saassunneqarpoq inunnik qassiunersunit ilisimaneqanngitsumik. Politiit suliaq misissuiffigaat, innuttaasullu kaammattorpaat suliami paasissutissaateqaraanni politiinut nalunaaqqullugit, politiit pigaartut pisortaat Jørgen Madsen taama oqarpoq.

Takunnittoqarsimaguni Politiit attavigineqarsinnaapput oqarasuaammut 70 14 48-mut.