Kalaallit Nunaanni Politiit "navianartumik pisoqarfiusinnaasumut" ornigupput, sumiiffillu assiaqusersuleruttorlugu.Assi: Signe Haahr

Nuummi politiit: Inuk inissiamiittoq allanut navianartoq - Paarnanukartoqassanngilaq

Nuummi Paarnani navianartumik pisoqarsinnaasoq Kalaallit Nunaanni Politiit nalunaarput. Qanittumi najugallit tamarmik isersimaannarnissaat kaammattuutigaat.

Nalunaaqutaq 20.09 inummik inissiamiittumik paasissutissartalerlugu nutarterneqarpoq.

Nuummi Paarnani najugallit tamarmik isersimaannarnissaannik kaammattorneqarput.

Kalaallit Nunaanni Politiit kaammattuisuupput. Taakku sumiiffimmut "navianartumik pisoqarfiusinnaasumut" ornigupput. 

Pisoq inummut inunnut allanut navianarsinnaasumut tunngassuteqarpoq. Inuk pineqartoq allanut siorasaaruteqarnera pissutigalugu navianarsinnaasoq inissiamiippoq. Politiit pineqartoq nalunaaqutaq 14.26-li ingerlaavartumik attaveqarfigaat, taassuma anillatsinnissaa sulissutigineqarluni.

Sumiiffik suli assersorneqarpoq.

- Inuit maanna kingusinnerusukkulluunniit sumiiffimmukarniartut pilersaarutiminnik politiit pisup qaangiunneranik nalunaaruteqarnissaata tungaanut kinguartitsinissaannik qinnuigineqarput, Kalaallit Nunaata Politiit tusagassiuutinut nalunaarummi allapput.

Politiit pisoq pillugu ingerlaavartumik nalunaaruteqartassasut, ilanngullugu allapput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl