Assi: KNR

Nuummi Politiit håndgranati isumannaatsumut inissikkaat

Ilimagisamit Kalaallit Nunaanni Politiit ukiup naajartulernerani ulapissimapput, qujanartumilli pisut sakkortuut amerlasimanatik.

Ukiutoqarli aqaguttoq Nuummi innuttaasoq eqqumiitsumik navianarsinnaasumillu Nuummi Radiofjeldip eqqaani tassa decembarip 30-anni nassaarpoq.

Inissiarsuit eqqaanni qaartartoq miloriuttakkatut håndgranativittut isikkulik qimaannarneqarsimasoq nassaarineqarpoq.

- Qaartartoq håndgranativittut isikkulik apummi qimaannarneqarsimasoq, politiinit paasineqarmat allamut isumannaatsumut inissinneqarpoq suliamullu attuumassuteqartunit isaterlugu aserorterneqartussanngortinneqarpoq.

AAMMA ATUARUK Angerlarsimaffinni eqqissiviilliornerit imaaginnavissimapput

Politiit KNR-imut taama ilisimatitsipput.

Håndgranati isumannaatsumut inissinneqareeraluartoq, politiit paaserusukkaluarpaat kina håndgranatimik piginnittuunersoq, aamma sooq håndgranati silami qimanneqarsimanersoq.

Håndgranati nassaarineqartoq qorsuuvoq naatitamullu ananassimut assingulluni.

Håndgranati pillugu paasissutissaateqarsinnaasut Nuummi Politiinut saaffigeqquneqarput - oqarasuaammut

70 14 48-mut sianerluni.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat