Nuummi politiit biilinik misissuilerput
Biilit arlaatigut ajoquteqarnersut amigaateqarnersulluunniit misissorneqartassapput.
Biilit politiinit unitsinneqartut sutigut tamatigut misissorneqartassapput.
Misissorneqartussat tassaallutik qulliit, unittaatit, assakaasut ilaalu ilanngullugit. Assakaasut aputilimmi atugassiat atorneqarnersut aamma misissorneqartassapput, tassami assakaasut tamarmik aputilimmi atugassiaasussaammata.
Biilit inngigissinnaasunik saviminertaqarpata nummerpladiiagaasinnaapput, biilimmi singarneqartussaanngimmata.
Taamaattumik biiliutillit biilimik isumannaatsuunissaannik namminneq isumaginninnissaat politiit innersuussutigaat, taamaattoqanngippammi angallannermullu inatsit unioqqutinneqarpat akiliisitaasoqarsinnaavoq.
Ukiulerneralu eqqarsaatigalugu politiit eqqaasitsissutigaat biilit igalaavi sermersimatillugit biilerneq inerteqqutaammat aamma oqarasuaammik angallattakkamik tigumiarluni biilerneq akiliisitaanermik kinguneqarsinnaavoq.
Biilinik ingerlatsisinnaanermut allagartap nassarneqarnissaa aamma eqqaamaneqassaaq imaluunniit aamma bussinut ilaanissaq toqqarneqarsinnaavoq.
