Nuummi politeeq uniformeqanngitsoq saassunneqartoq

Angut tallimanngormat unnukkut Nuummi Oles Varehusip imerniartarfiullu Maximutip akornatigoortilluni angutinit inuusuttunit pingasunit saassunneqartoq, tassaavoq politeeq uniformeqanngitsoq. Vicepolitimesterip Morten Nielsenip tamanna uppernarsarpaa.
Allattoq Louise M. Kleemann
aggustip 18-at 2008 14:03

Angut saassunneqartoq 50-it sinnerlugit ukioqarpoq.

- Angut pineqartoq sulinnginnami uniformeqanngilaq, politiitulli suliaqarnera saassussinermut attuumassuseqarnersoq annertunerusumik ilisimasaqarfiginngilarput, Morten Nielsen oqarpoq.

Saassunneqartoq politiinit suli killisiorneqanngilaq, saassunneqarnini tuppatigisimanermik.

Saassussinermilli takunnissimasinnaasut tamarmik politiinut saaffiginneqquneqarput. Angut unnukkut nalunaaqutaq qulingiluat missaanni saassunneqarpoq.

- Saassussinnermullu tunngasumik tusagaqarsimasinnaasut politiinut aamma saaffiginneqquneqarput, Morten Nielsen oqarpoq.

Saassussisut pingasut 20-t missaannik ukioqassangatinneqarput, 170 centimeterit sinnerlugit angissuseqarunarlutik naatsunillu tikkortunik nujaqarnerarneqarlutik. Ataaseq tungujortumik kavaajaqarpoq, taartunillu qarleqarluni. Alla qaamasumik kavaajaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq