Nuummi Poliit sullissivianut ornigunnissamut periarfissat killilersorneqalertut

Nuummi Politiinut ullumi tallimanngornermit marsip ulluisa 20-annit apriilip ulluisa arfineq-pingajuata tungaanut aatsaat isumaqatigiissusiorfigeqqaarlugit orniguffigineqarsinnaapput. Allatulluunniit oqaatigalugu: Nuummi politiinut ornigunnissamut periarfissat killilersorneqalerput.

Kalaallit Nunaanni Politiit tusagassiutinut taama nalunaaruteqarput.

- Suli politeeqarfimmiissaagut. Marsilli ulluisa 20-anniit ullaakkut nalunaaqutaq arfineq-pingasuniit atuutilersussamik orniguttoqarsinnaassanngilaq, isumaqatigiissusiornikkut aatsaat Nuummi politiinut orniguttoqarsinnaassalluni, politiit taama allaaserisaqarput.

Takussaajumaartut

- Tuniluuttoqannginnissaa pillugu taamaaliortoqarpoq. Immitsinnut qanillattunnginnissap nalaaniippugut, tamanna pingaaruteqarpoq malissallugu, politiit allapput.

- Imaanngilarli Kalaallit Nunaanni Politiit matusut. Takussaajumaarpugut, soorlu taamaattuaannartugut, Nuummi Politiit erseqqissaapput.

Pigaartut pinartunut tunngatillugu attavigineqarsinnaajuassapput, oqarasuaataasalu normuat tassaavoq 70 14 48.

Sinerissami sullissineq allanngussanngilaq.