Assi: KNR

Nuummi piniartut Nuutoqqami kalaaliaraq iluarinerugaat

Kalaaliaratoqaq Nuutoqqamiittoq sapaatiummat novembarip 11-anni matuvoq. Taamaammat tuniniagassat illoqarfiup qeqqaniittumut kalaalimineerniarfimmut innersuunneqartalerput, taannali aalisartunit piniartunillu pisisartuminnut qanikkusuttunit ornigineqanngilaq.

Nuummi kalaaliaratoqqap piffissaa naammatsissimavoq isaterneqartussanngorlunilu. Kalaaliaraq nutaaq, Nuutoqqami sananeqassaaq nutaalli piareernissaanut tuniniaanerit illoqarfiup qeqqaniittumi kalaaliaqqami ingerlanneqassapput.

Tamannali aalisartut piniartullu peqatigiiffiata, NAPP-p uggoraa. Aalisartut piniartullu kalaaliaqqami illoqarfiup qeqqaniittoq atulinngisaannarpaat. Taannami kissaatigisaannut naleqqutinngitsoq, siulittaasup Lars Mathæussenip oqaatigaa.

- Pisinnaatitaaffigut tassani killeqarnermik, tuniniarsinnaasaraluatta ilai eqquteqqusaannginnamik. Taamaammat iluamik atulersimanngisaannarparput, Lars Mathæussen oqarpoq.

AAMMA ATUARUK Nuummi Kalaaliaratoqaq isateriarlugu nutaaliortoqalersoq

Pujuukkat, panertulluunniit suliareriikkat illoqarfiup qeqqaniittumi tuniniarneqaqqusaanngillat. Tamannali immikkut akuersissuteqarnernikkut septembarip aallaqqaataat aallarnerfigalugu akuerisaanerpoq.

Aalisartulli piniartullu nammineq tuniniakkatik namminneq tuniniarusuppaat. Taamaalillutik pisisartunik sunik kissaateqarnersut paasisinnaasarpaat, Nuutoqqamilu taamaaliorsinnaanerusarlutik Lars Mathæussenip oqaatigaa.

- Tassa Nuummiut piumasaat naammassisinnaanngussagamik tappikani, massakkut Kalaaliarartaami (illoqarfiup qeqqani aaqq.) Nuummiut piumasaat naammassisinnaanngilagut,

Nuutoqqami Kalaaliarartaassaq 2019-imi apriilimi ammarneqarnissaminut piareernissaa kommunip naatsorsuutigaa.

Kalaaliaraq Nutaaq - Det gamle bræt i Nuuk lukker

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat