Ujaasineq: Nuummi pineqaatissinneqarsimasunut inissiisarfimmit qimaasoqartoq

NUTARTIGAQ nalunaaqutaq 13.00: Ujaarineqartut marluk politiinit nassaarineqarlutillu tigusarineqarput.
Allattoq Kenneth Elkjær
januaarip 05-at 2017 08:23
Nutserisoq Simon Uldum -

Nuummi politiit Nuummi pineqaatissinneqarsimasunut inissiisarfimmit qimaasimasut marluk ujaarivaat. Politiit tusagassiorfinnut nalunaaruteqarlutik taama allapput.

Angutit marluk pingasunngornermi januaarip sisamaani unnukkut nal. 20.00 missaani qimaasimapput. Qimaasimasut sumiinnerinik ilisimasaqartut politiinut attaveqaqquneqarput oqarasuaatikkut 701448-mut.

Tamatumunnga peqatigitillugu aamma erseqqissaatigaat angutit pineqartut toqqorsimaneqarneri imaluunniit toqqorsimanissaannik ikiornissaat pilerluttuliornerusoq.

Ujaarineqartunik nammineerluni tigusarinninniartoqannginnissaanik politiit kaammattuuteqarput, politiillu attaveqarfigineqarnissaat inassutigaat.

Ujaarineqartut tassaapput:

1) Alibak Heinrich, 33-nik ukiliuk, 175-180 cm miss. angitigivoq, naatsunik nujaqarpoq, nerinnattuulluni, arpaatinik qernertunik qarleqarpoq parkamillu qorsummik taartumik kavaajaqarluni.


2) Laasi Kleist, 26-nik ukiulik, 160-165 cm miss. angitigivoq, kajortunik qaamasunik nujaqarpoq, kajortunik qaamasunik iseqarpoq, Canada Goosemik tungujortumik kavaajaqarpoq, qorsunnik qarlippaaqarpoq saneraatigut kaasarfilinnik, qernertunik kamippaqarpoq qaqortunik alulinnik.