Kommunip Nuummi Paamiunilu illuutai suliffeqarfiutaallu aseruatiterput.Assi: Jeanne Holm

Nuummi Paamiunilu anorersuarnerani aseruatitertoqaaluttoq

Kommunip Nuummi Paamiunilu illuutai sulliviillu arlallit anorersuarnerani aseruatiterput.

Anoraasuaq sekundimut 40 miiterit angullugit sakkortussusilik anoraasuarsuartut sakkortutigisumik anoraasuartartoq takkummat kommunip Nuummi Paamiunilu illluutai suliffeqarfiillu aseruatiterput.

Meeqqeriviup Ungaap qaliata qalissiarsua anorersuup tamakkerlugu tingippaa. Nuussuarmi Kangillinnguup atuarfiani inuinnaat ikaartarfiata ataatungaa tingitaavoq, kommuneqarfiup allaffiata seqerngup nukinganik nukissiuutai ilaatigut teqqapput.

- Illut qaavi arlaqartut anoraasuarnerata teqqatippai, igalaallu arlallit ujaqqanik sequminneqarlutik.

- Silarluk qaangiussimaleriarpat ajoqusernerit suunersut ersarinnerusumik tamarmik misissussavagut, Kommuneqarfik Sermersuumi sanaartornermi pisortaq, Rasmus Hansen oqarpoq.

AAMMA ATUARUK Atortut teqqaasut, quit aserortut anorersuartumilu qajannaarsuineq

Paamiuni eqqagassanik tigooqqaaviup matorsui marluk, illullu qaliata igalaavi marluk tingitaapput. Atuarfiup illorsuullu timersortarfiup igalaavi ujaqqanik eqqorneqarlutik aamma aserorput.

Telemut attaveqaat nuanqarfimmi aaqqeqqittoq

Innaallagissamik pilersuisup Nukissiorfiit Qeqertarsuatsiaani nukissiorfiup ledningia anorersuup kittorarmagu, innaallagissiorniarnera ajornartorsiutaalerpoq. Ilaatigut Telep illuutaanut innaallagissap aqqutaa kipineqarluni. 

Nunaqarfimmili attaveqaatit aaqqinneqartut ullumi ataasinngortoq, Nukissiorfimmi aqutsisoqarnermi allatseqarfimmi pisortaq, Sune Tougaard nalunaarpoq. Illut marluk minillugit sinneri innaallagiaqaqqilersut, taanna oqarpoq.

Nuummi aqqusinerni qullilerfiit annikitsumik ajoqusersimasut Nukissiorfimmit oqaatigineqarpoq.

AAMMA ATUARUK Politiet: Stormen har lagt en dæmper på folk - men skadet flere bygninger

Nuummi Paamiunilu anoraasuartarmat, pisariaqanngitsumik angallattoqannginnissaa ippassaq ualisoq politiit kaammattuutigaat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat