Assi: Scanpix

Nuummi Oddsettertartoq 200.000 koruuninik eqquisoq

Danskit spil taallimanngornermi tusagassiuutinut taama nalunaaruteqarpoq.

Aningaasarpassuarnik eqquisup Nuummiittup, danskit isikkamik arsaallutik nunanut allanut unammisartuisa arnartaasa Maltamut unammineranni ikinnerpaamik afineq marlunnik isertitaqarnissaannik eqqoriarpai, eqqorlugillu, Danmark Maltamut unammigami arfineq marlunnik isertitaqarmat, Malta susaartoq.

Oddserluni eqquniaasartup aningaasarpassuarnik eqquinissaanik tamanna qulakkeerinnissutaavoq, eqquniaanermilu unamminerit allat 21-it aamma eqqorniagaapput.

Unamminerit 21-it taakkua eqqornissaannut ilimanaataat katillutik 2000-erartiutingajaapput, oddsettertartorlu 100 koruuneersimagami 196.710 koruuninnappoq.

-Amerlasuunik eqquisitsikkajuppugut, taamali amerlatigisunik eqquineq qaqutigoorpoq.  

Aamma unammisumik taama amerlatigisunik timersuutinik taama amerlatigisunik eqquiniaaneq qaqutigoortorujussuuvoq, Dansk Spillimi oddsettertunik eqquiniaanernik suliaqartoq Daniel Jensen oqarpoq.

Eqquisup eqquiniaassutai amerlanerit Europa Leaguemi aamma Conference Leaguemi isikkamik arsaalluni unamminerneersuupput, aammali Danmarkimi Ruslandimilu ishockeymik arlallit unamminerit inerneriumaagai eqqoriarsimallugit.

- Allamik oqaasissaqarpallaanngilaq: "eqqoriaalluaqigama ".  aammali iluatsitsinissaq pissariaqarpoq, oddsettertartoq Daniel Jensen oqarpoq.

Oddsettimi eqquissutaasoq Nuummi Pisiffimmi pisiaavoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat