Pilersaarutitut siunnersuut naapertorlugu akunnittarfik akisooq 95-inik ineerartaqassaaq, imerniartarfeqassaaq, neriniartarfeqassaaq timigissartarfeqassallunilu.Assi: Berjaya Corporation Group of Companies

Nuummi Nuutoqqami akunnittarfiliortoqarnissaanut akerliusut

Kommuneqarfik Sermersooq Nuutoqqami akunnittarfiliornissamut pilersaarummik siunnersuuteqarpoq. Sanaartornissamut siunnersuut Nuutoqqami akunnittarfimmik taaguuteqarpoq. Pilersaarulli Nuummi innuttaasorpassuit isumaqatiginngilaat.

Piffissami matumanerpiaq atsiornernik katersisoqaleruttorpoq, atsiortitsinerit katersorneqartut ataasinngornermi ualikkut 951-iupput. Atsiortitsineq akunnittarfiup Nuutoqqami sanaartornissaanut akerliuneruvoq.

- Nuutoqqami allanngortitsisoqannginnissaa innuttaasut ataatsimoorlutik maanna piumasariaqarpaat. Akunnittarfimmik sanaartortoqarniarnera akuerineqarsinnaanngilaq, atsiornernik katersisut allapput.

Kommuneqarfik Sermersuup sanaartornissamut pilersaarutaa malaysiamiut akunnittarfiutillik, Berjaya Corporation Group of Companiesip Nuutoqqami akunnittarfimmik akimarpaluttumik sanaartorusunneranik tunngaveqarpoq. Aviisi Semitsiaq.AG taama allaaserisaqarpoq.

- Pilersaarut alutornarluinnarpoq, pissutigalugu kalaallit ileqqutoqaat nutaaliallu ataatsimoortinneqarmata. Illoqarfittalu ilaani nutaamik pilersitsisoqassalluni, Charlotte Ludvigsen Sermitsiaq.ag-mut oqarpoq.

Kommunalbestyrelsip innuttaasorpassuit sumiiffimmut tassunga eriaginnittut ilisimagaa, borgmesterip erseqqissaatigaa.

Pilersaarut novembarip 29-annit februaarip ulluisa arfineq-aappaannut 2020-mut tusarniaassutigineqarpoq. Kommuneqarfik Sermersooq pilersaarummut atatillugu aamma paasissutissiinermik ataatsimiititsissaaq.

Pilersaarutitut siunnersuut naapertorlugu akunnittarfik akimarpaluttumik 95-inik ineerartaqassaaq, imerniartarfeqassaaq, neriniartarfeqassaaq timigissartarfeqassallunilu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat