Nuummi nutaarsuarmik nakorsiartarfittaalerpoq
Allamut nuunnera malunnarnerpaassaaq, Nuummili innuttaasut tassunga tassa saaffiginnittassapput, tassa napparsimmaviup ullukkut nalinginnaasumik ammanerata saniatigut.
Nakorsiartarfittaaq aningaasaateqarfissuarminngaaniit A.P. Møllerip nuliatalu Chastine Mc.kinney Møller Fondiminngaanniit 140 millioni koruuninik 2007-imi aningaasaliiffigineqarpoq.
Ajoqusersimasunut nakorsiartarfik ulloq unnuarlu ammasassaaq, tassalu ajoqusersimagaanni, ummatikkut ippigisaqaraanni, anernilukkaanni arlaannilluunniit ippigisaqaraanni nakorsiartarfimmut tassunga saaffiginnittoqarsinnaalissaaq, nakorsiartarfimmi pisortaq, Jesper Olesen, oqarpoq.
Napparsimmavissuup ullukkut ammanerata saniatigut, imaluunniit nalliuttuni, arlaatigut ippigisaqaruit nakorsiartarfik sianerfigalugu saaffigiinnassavat, taava eqqortumut ingerlateqqinneqarumaaravit, Jesper Olesen oqarpoq, nakorsiartarfimmut oqarasuaatit normui allanngunngitsut, aamma ambulancemik pissarsissagaanni normu allanngunngilaq, tassallutik 344400 aamma 343112.
