Nuummi nutaamik atuarfimmik sanaartortussap toqqarneqarnissaa qanillivoq
Suliffeqarfiit marluk sanaartortussatut ukiunilu tulliuttuni 30-ni ingerlatsisussatut aserfallatsaaliisussatullu aalajangiiffigineqarnissaat qanillivoq.
Nuummi inissiarsuup Blok P-ip inissisimaffigisimasaata Atuarfiullu Ukaliusap akornanni atuarferujussuup sanaartorneqarnissaa pilersaarutaavoq
Suliffeqarfiup kommunemit pigineqartup Nuuk City Developmentip, atuarferujussuarmik sanaartornissamik neqerooruteqartut arlaqartut taakkua arlaat marluk toqqartussanngorpaa.
AAMMA ATUARUK Siorarsiorfimmut tunngatillugu 2019-imi sanaartortoqalissaaq
Jens B. Frederiksen Nuuk City Developmentimi pisortaaneq taama oqaluttuarpoq.
- Sanaartortussanik piukkunnartussarsiortitsinermi piumasaqaateqassaatit soorlu aningaasaqarnermut tunngasunik aamma suliassap taama annertutigisup suliarineqarnissaannut, suliffiillu marluk maanna sinneruttut piumasaqaatit pigaat.
Suliffeqarfiit marluk pineqartut tassaapput Islandimiut suliffiutaat Ístak aamma danskit suliffeqarfiutaat MHT-DEAS.
Tullinnguuttoq tassaavoq suliffeqarfiit taakkua marluk neqerooruteqarnissamut atortussaminik tunineqarnissaat.
Neqeroortitsinermut najoqqutassat piukkunneqartunut taakkununnga 1. marts 2019 nassiunneqassapput, aammalu suliariumannittussarsiuussinerup ullua taassaavoq 14. juni 2019
Atuarferujussuassaq naammassippat atuartunut 1.200-nut inissaqassaaq.
Sanaartorneq ukialerpat aallartissinnaanissaa Jens B. Frederiksenip naatsorsuutigaa.
Isumaqatigiissutigineqartussaq annertuvoq, Nuuk Development sanaartortitsisuussaaq ingerlatsisuullunilu