Nuummi Nukissiorfinnut aasamut naleqqiullugu ukiuunerani akiliinerusalerpugut
Nukissiorfiit ungasianiit uuttuutinik atortulersuinerisigut atuisartut, pingaartumik sarfaq atorlugu kiassartut ukiuunerani akiligassaat qaffattalerput. Nukissiorfinneersoq Peter Petersen ima oqarpoq.
- Annikilliartorumaarpullu aasariaqartornerani, qaammariartornerani, tassa atuinerit akikinnerulermaarput. Assersuutigiinnarlugu feriarnerup nalaani kallerup inneranut atuinikinneruffiusumi akiligassakinnerujussuussapput, Peter Petersen oqarpoq.
Taamaammat juuleriartornera qullernik, soorlu ullorissanik allanillu innaallagiartortunik atuinerulernermi akiligassaq annerulertarpoq.
- Decembarimi atukkanut akiligassaq qaammatinik marlunnik kingusinnerusukkut nassiuttarpagut. Imaappoq: Decembari naallugu atukkat februaarip naanerani akiligassiissutigineqassapput, taamaammat naatsorsuutigineqassaaq akiligassat annerujumaartut, nassuiaavoq.
Innaallagissamut, imermut kiassarnermullu atuisimanermut uuttuutit nutaanngitsut, nunap sinnerani nutaanik ungasianiit uuttuutinik kingusinnerpaamik 2014-imi taarsersorneqassasut Nukissiorfiit naatsorsuutigaat.
Peter Petersen aamma oqarpoq, Nukissiorfiit neriuutigigaat atuisut namminneerlutik uuttuisinnaalernertik atorluarumaaraat.