Nuummi niuertarfik mobiilerpassuarnik tilliffigitittoq

Nuummi niuertarfik atortorissaarutinik elektroniskiusunik nioqquteqartoq Nota Bene unnuaq marlunut qiteqqunnerata nalaani tillinniarfigitissimasoq Nota Benep tusagassiuutinut nalunaarummi allaaseraa.
Allattoq Mads Lynge
juunip 02-at 2016 11:49

Oqarasuaatit angallattakkat, qarasaasiat, Ipad-it atortorissaarutillu allat meqqi ilisimaneqarluartut Sony-meersut, Samsungimeersut Apple-imeersullu tillinneqarsimapput.

- Massakkorpiaq tillitat aningaasanngorlugit nalingi oqaatigisinnaannaanngikkallarparpagut. Oqarsinnaavugulli 100.000 koruunit sinnerlugit tillitat naleqartut, Jens Bang, Pisiffimmi tuniniaanermut pisortaq KNR.gl-imut oqarpoq. 

Paasissutissanillu politiinut tunniussisumut, pisup pineqartup uppernarsineqarnerinik tillittullu tigusarineqarnerinik kinguneqartumik Nota Bene akissarsititserusuppoq, paasissutissanik tunniussisoq, tunniussisulluunniit, 5000 koruuninik akissartinneqassallutik.

Saaffiginnissutit tamarmik Nuummi Politiinut apuunneqassapput, Nuummilu politiit oqarasuaataasa normoraat 70 14 48 apuunneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq